Pas informatës se Parlamentit Evropian ka ftuar VMRO DPMNE-në dhe LSDM-në kah fundi i këtij muaji në takim në Bruksel, edhe më tej nuk ka konfirmim zyrtar nga dy partitë më të mëdha në Maqedoni. Edhe pse të dy liderët, Zoran Zaev dhe Nikolla Gruevski, parimisht pajtohem për ndihmë nga komuniteti ndërkombëtarë për dalje nga kriza politike, konfirmim zyrtar nuk ka.
Nga LSDM konfirmojnë se ftesë të tillë deri më sot nuk kanë pranuar.
-Nuk kemi pranuar kurrfarë ftese. Nëse marrim, do të diskutojmë dhe do të vendosim për hapat tonë të mëtutjeshëm- deklaroi zëdhënësi Petre Shilegov.
Nga partia në pushtet VMRO DPMNE nuk dhanë përgjigje nëse ka arritur ftesë apo jo.
