“Deputetët, katër partitë politike dhe Këshilli i prokurorëve publik votuan prokuroren speciale publike në bazë të profesionalizmit të saj. Konsideroj se duhet t’i mundësohen resurset për ta kryer punën e saj” tha ambasadori i SHBA-së në Maqedoni Xhes Bejli, së bashku me kryeministrin Nikolla Gruevski të cilët e lëshuan në përdorim objektin shkollor për nxënësit me shikim të dëmtuar “Dimitar Vllahov”.
“Është shumë e rëndësishme që të ketë proces të pavarur dhe legal lidhur me bisedimet e përgjuara. Kjo është e rëndësishme që të ndihmohet Maqedonia të del nga situatat aktuale në të cilën gjendet. Mendoj se procesi nëpër grupet e punës duhet të vazhdoj sepse nuk ka kohë shumë” shtoi Bejli.