Në edicionin e radhës të emisionit “360 gradë” në TV Alsat-M, mysafir ka qenë ambasadori amerikan në Maqedoni, Xhes Bejli, i cili ndau vlerësimin e Komisionit Evropian se është marrë vetëm përgjegjësi e pjesshme politike rreth rastit të përgjimeve dhe përmbajtjes së bisedimeve në telefonatat e përgjuara. Dorëheqjet e Mijalkovit, Jankullovskës dhe Janakievskit, sipas ambasadorit amerikan ishin të domosdoshme, por nuk ishin të mjaftueshme, duke shtuar se për këtë qëllim u formua Prokuroria Speciale dhe Komisionit Anketues parlamentar për përgjimet.
“Ka proces edhe në Kuvend përmes Komisionit anketues lidhur me këtë çështje. Kjo nuk është e rëndësishme vetëm për konfirmimin e përgjegjësisë, ndoshta më shumë politik, por të dilet edhe me rekomandime që të parandalohet ngjarjet e tilla në të ardhmen. Këto procese janë në rrjedhë e sipër” thotë ambasadori amerikan në intervistë.
Në pyetjen nëse prokurori special kund të funksionoj pa reforma të mëhershme themelore në gjyqësor, Bejli vlerëson se Janeva mundet në mënyrë të përsosur ta bëj punën e vet, siç edhe ka filluar, t’i hetoj rastet dhe të sheh nëse ka hapësirë për lëndë dhe të ngrit aktakuzë për të njëjtën. Në lidhje me përmbushjen e Marrëveshjes së Përzhinos dhe bisedimeve që po mbahen, Bejli shton se marrëveshja parasheh tre gjëra esenciale gjegjësisht kthimin e dialogut politik në Kuvend, vendosja e përgjegjësisë nga bisedimet e përgjuara dhe e treta të mundësohen zgjedhje kredibile dhe transparente.
