Sot pritet të arrihet marrëveshje e plotë rreth përbërjes dhe emërimit të KSHZ-së. Sipas të dhënave tona nga partitë politike, i pranueshëm është propozimi i BDI-së me shumicë badenteri që merren vendimet në KSHZ-në e sapoformuar.
Tanimë është e ditur se partitë më të mëdha arritën marrëveshje rreth emërimit të anëtarëve të KSHZ-së dhe pranuan propozimin e LSDM-së, sipas të cilit ato do të emërohen sipas formulës “tre plus tre plus tre” gjegjësisht tre anëtarë do të jenë propozim i pushtetit, tre nga opozita dhe atyre do t’ju bashkëngjiten tre ekspertë që do të zgjidhen me shumicë 2/3 në Kuvend.
Të dhënat nga grupet negociuese se është arritur avancim i vogël rreth regjistrimit aktiv të votuesve me regjistrim obligativ. VMRO DPMNE pajtohet për regjistrimin aktiv të votuesve, por ende nuk prononcohen a do të jetë obligativ apo jo. Për këtë çështje ende s’janë prononcuar partitë politike shqiptare sepse trupi i tyre votues përbëhet nga mërgimtarë.
Partitë politike ende janë larg arritjes së marrëveshjen për votimin e Diasporës. Kjo çështje nuk ka ecur përpara dhe tani për tani palët qëndrojnë në pozicionet e tyre. VMRO DPMNE propozon të vazhdoj mënyra e deritanishme e votimit të diasporës në tre njësi zgjedhore ndërsa LSDM kërkon diaspora të votoj, por pesha e votës të jetë e njëjtë sikur e atyre votuesve që jetojnë në Maqedoni.