Ambasada e SHBA-së në Shkup ka reaguar lidhur me aksionin policor në Kumanovë. Gjithashtu apelohet për ruajtje të qetësisë.
“Shprehim keqardhje të thellë për jetët e humbura në aksionet në dhe rreth Kumanovës dhe shprehim ngushëllime për familjet e policëve dhe qytetarëve të vrarë si dhe për të gjithë të lënduarit” – deklarojnë nga ambasada e SHBA-ve në Maqedoni. Në pyetjen e Alsat –M për zhvillimet në Kumanovë nga ambasada u përgjigjën se po e ndjekin situatën dhe se janë në komunikim të vazhdueshëm me autoritetet dhe me liderët politik. “U bëjmë thirrje qytetarëve të jenë të përmbajtur dhe të lejojnë të vërtetohet gjendja faktike” – është qëndrimi i ambasadës amerikane.