Pushteti dhe opozita sot do t’i vazhdojnë bisedimet në grupet e punës pasi mbrëmë arritën marrëveshje në lidhje me reformat zgjedhore si dhe për ligjin për ndalimin e publikimit të bombave, njoftuan nga ambasada e SHBA-së.
“Grupi i punës për zbatimin e Marrëveshjes së Përzhinos mbrëmë arriti përparim për çështjet që kanë të bëjnë me zgjedhjet dhe u dakordua që sot përsëri t’i vazhdojë bisedimet. Partitë gjithashtu arritën marrëveshje që çështjen për inkriminimin e propozuar të publikimit të informacioneve që janë marrë ilegalisht ta ngritin në Grupin e punës, të shqyrtojnë zgjidhje të tillë të mundshme ligjore në pako me zgjidhjen ligjore për mbrojtjen e të ashtuquajturve “informatorë” dhe këto çështje t’i zgjidhin para 20 tetorit. Këto ligje hapin çështje serioze në lidhje me lirinë e të shprehurit, të drejtën e qytetarëve për privatësi dhe qeverisjen e mirë, që të gjithë së bashku duhet të adresohen në përputhje me obligimet ndërkombëtare të Maqedonisë” – është qëndrimi i ambasadës amerikane.
Sipas ambasadës, këto ligje hapin çështje serioze në lidhje me lirin e shprehjes, të drejtës së qytetarëve për privati dhe sundimin e mirëfilltë dhe se të gjithë duhet të adresohen në përputhje me obligimet ndërkombëtare që Maqedonia i ka marrë.