fbpx

Ahmeti për REL: Ka shumë qendra që punojnë për të krijuar rrëmujë në Maqedoni

-

Ka shumë qendra që punojnë për të dëmtuar integrimet e vendit tonë në BE e në veçanti në NATO, vlerësoi kreu i BDI-së, Ali Ahmeti në intervistë për “Radio Evropën e Lirë”.

“Ka shumë qendra që punojnë për të krijuar kaos, mosbesim mes dy komuniteteve më të mëdha në vend, shqiptarët dhe maqedonasit, sepse këto qendra sigurisht nuk janë pa përvojë dhe e dinë që harmonia, afërsia dhe besimi mes shqiptarëve dhe maqedonasve që të avancohet shteti është punë e mirë, kjo është për të mirën e Maqedoni dhe, si të them, hedhin shkëndija që të keqësohen këto raporte” tha Ahmeti.

Kreu i BDI-së në intervistë thekson se në vendet fqinje ka struktura dhe grupacione që duan ta ndajnë vendin për interesa personale.

“Këtu nuk po flas dhe nuk i akuzoj qeveritë e shteteve fqinje, por në të gjitha vendet fqinje ka grupe dhe grupacione që nuk u intereson e ardhshme e shtetit, nuk duan Maqedonia të jetë pjesë e NATO-s dhe BE-së. Ka grupe që duan ta ndajnë shtetin për interesa të caktuar, por këtu pa u keqkuptuar, nuk bëhet fjalë për qeveri të vendeve të rajonit, por flas për grupecione që nuk janë pa ndikim në vend ku punojnë duke u futur me idetë e tyre edhe në vendin tonë, në Shkup dhe shumë qytete të R. Maqedonisë, duke promovuar idenë e tyre përmes rrugëve ilegale” shton Ahmeti.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.