fbpx

Спречено криумчарење на два тона месо штетно за здравјето на граѓаните

По отпочнување на прегледот, превозникот изјавил дека има и друга непријавена стока – замрзнато свинско месо, чија вредност, согласно дополнително приложените документи, изнесувала 11 илјади евра

-

Мобилен тим на Царинската управа викендов спречил криумчарење на два тона месо штетно за здравјето на граѓаните, соопштија од Управата. Превозникот, а воедно и сопственик на транспортното возило, не го пријавил месото со царинска декларација, ниту пак поседувал ветеринарен сертификат за истото.

Настанот се случил во саботата на царинската испостава Богородица на влез во земјава од Грција. Во товарното возило со грчки регистарски ознаки, со царински документ биле пријавени 28 колети вода, пити, салати и пиперки.

Заради извршување на детален преглед, возилото било пренесено во царински склад, каде, по отпочнување на прегледот, превозникот изјавил дека има и друга непријавена стока – замрзнато свинско месо, чија вредност, согласно дополнително приложените документи, изнесувала 11 илјади евра.

По поднесена кривична пријава, донесена е и пресуда за сторено кривично дело криумчарење на стока.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...