fbpx

Спречен шверц на јагниња од Македонија во Албанија

Утврдено е дека станува збор за 63 јагниња кои не се идентификувани согласно Законот за идентификација и регистрација на животните, а транспортерот не поседувал и сертификати за здравствена состојба на животните

-

Спречен бил нелегален извоз на 63 јагниња кои од Македонија требало да завршат во Албанија, соопшти Агенцијата за храна и ветеринарство (АХВ).

Во координирана акција со инспекторите од МВР, возилото со кое се транспортирале јагнињата било стопирано од полициски службеници во Струга и по спроведена контрола од инспекторите на АХВ, утврдено било дека станува збор за 63 јагниња кои не се идентификувани согласно Законот за идентификација и регистрација на животните. Транспортерот не поседувал ниту сертификати за здравствена состојба на животните.

„Согласно дадената изјава на транспортерот животните се со потекло од населено место во Прилеп“, велат од АХВ.

Согласно Законот за инспекциски надзор, јагнињата се одземени од лицето кое ги транспортирало и се предадени на Агенцијата за управување со одземен имот. Против транспортерот ќе биде поднесена прекршочна санкција за движење на неидентификувани животни.

Марио Спасевски
Марио Спасевски
Новинар, Подкастер, Туризолог, Надреалист, Гејминг Гуру, Авантурист, Патник низ времето...

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Мицкоски на средба со амбасадорите на државите членки на ЕУ

Премиерот Христијан Мицкоски денеска се сретнал со амбасадорите на државите-членки на Европската унија. Тие разговарале за актуелната политичка и економска состојба во земјата, како и за напредокот на државата...