Радикалните исламисти, кои вчера беа уапсени во Лондон, планирале напад врз британската кралица Елизабета Втора, објави „Сан“.

Четворицата мажи требало денеска да ја нападнат кралицата со нож, а засега Скотланд јард не ја потврди информацијата на таблоидот.

Приведените се на возраст меѓу 19 и 27 години.

Според весникот, тие планирале со нож да ја нападнат кралицата за време на денешното армиско чествување во Ројал Алберт хол, каде што, според  планот, требало да присуствува и Елизабета Втора.