fbpx

Специјална работна група која ќе нуди решенија и мерки за „Скопје 2014“

-

Министерот за култура на Република Македонија, Роберт Алаѓозовски, вчера формирал работна група за изработка на анализа за реализацијата и последиците од т.н. „Проект Скопје 2014“, соопшти денеска кабинетот на министерот.

Работната група е составена од професорот по архитектура, Мирослав Грчев, кој ќе биде и координатор на групата, политиколог и комуниколог Никола Наумоски, архитектот Мартин Пановски, историчарката на уметност и конзерваторка Донка Барџиева и ликовниот критичар и советник – куратор Златко Теодосиевски.

Работната група со анализата ќе изврши евалуација на сите аспекти од проектот во надлежност на Министерството за култура и ќе даде предлог за можни решенија и мерки за реализација на активности во наредниот период.

На првиот состанок, членовите на работната група констатираа дека најнапред ќе биде потребно да извршат инвентаризација на сите објекти од т.н. „Проект Скопје 2014“, која ќе биде составен дел од анализата. Членовите, исто така, констатираа дека ќе биде потребно формирање на специјализирани подгрупи, составени од докажани професионалци од повеќе сфери релевантни за анализата, а коишто ќе третираат различни аспекти на „Скопје 2014“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...