fbpx

Спасовски уште се консултира, новите шефови на УБК и на БЈБ ќе бидат познати утре или задутре

-

Премиерот Зоран Заев денеска изјави оти очекува дека в четврток или петок Владата ќе ги разреши старите и ќе ги избере новите директори на Управата за безбедност и за контраразузнавање (УБК) и на Бирото за јавна безбедност (БЈБ).

Како што рече Заев, сè уште траеле консултациите на министерот за внатрешни работи, Оливер Спасовски, со кандидатите за директори на најважните организации во рамките на МВР.

– Верувам дека в четврток или петок ќе ги избереме на владина седница. Сè уште министерот кој е овластен предлагач до Владата, прави консултации со самите луѓе. Штом ќе пресече и конечно ќе одлучи, ќе ги предложи на Владата, а потоа и Владата ќе дебатира – изјави премиерот по завршување на конференцијата „Неплатена работа, родова нееднаквост и ветувањето на економијата на грижа и нега“ во организација на агенциите на Обединетите нации во Македонија, на која Заев имаше воведно обраќање.

Според законите за внатрешни работи и за полиција, директорите на УБК и на БЈБ ги именува и ги разрешува Владата, на предлог на министерот за внатрешни работи.

Сегашните директори на УБК и на БЈБ, Владимир Атанасовски и Митко Чавков, беа поставени од техничката влада што ги спроведе изборите на 11 декември, како кадри на ВМРО-ДПМНЕ. И Чавков и Атанасовски се посочени во извештајот на работната група на МВР како одговорни за ненавременото и непрофесионално дејствување за време на насилствата во Собранието на Република Македонија од 27 април, кога беа нападнати и повредени пратеници, новинари и граѓани.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

И годинава документите за упис во средно ќе треба да се достават и електронски и во хартиена форма

Министерството за образование и наука (МОН) денеска го објави конкурсот за запишување ученици во јавните средни училишта за учебната 2024/2025 година. Пријавувањето и запишувањето на учениците ќе се врши...