fbpx

Спасовски: Членките на ЕУ да дадат прецизни насоки за да се избегнат тензии на границите

-

Република Македонија очекува од земјите-членки на Европската Унија да дадат јасни и прецизни насоки во врска со бројот на мигранти што се спремни да ги прифатат, што ќе доведе од намалување на тензиите на граничните премини. Ова го истакнал министерот за внатрешни работи, Оливер Спасовски, на денешната средба во Скопје со делегацијата на Комитетот за европски прашања на холандскиот парламент, предводена од претседателот на комитетот, Малик Азмани.

Спасовски на средбата ги информирал своите соговорници за актуелната политичко-безбедносна состојба во земјава, а посебен акцент бил ставен на ситуацијата со бегалската криза.

Членовите на делегацијата, од своја страна, ја изразиле подготвеноста на земјите-членки на ЕУ да ѝ помогнат на Македонија во справувањето со последиците од кризата.

„Република Македонија, иако не е полноправна членка на ЕУ и истовремено е соочена со крупни внатрешни политички и економски проблеми, настојува со сите свои капацитети да им помогне на земјите-членки на ЕУ. Но, целосното решавање на проблемите мора да се бара со заедничка координација и со почитување на одлуките што ги носат сите земји кои се партиципиенти во решавање на бегалската криза“, истакнал Спасовски на средбата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...