fbpx

Совет за етика: Повелбата ја потпишаа, но не ја почитуваат сите медиуми

-

Повелбата за етичко известување за изборите ја потпишале повеќе од 90 медиуми, но еден дел од нив и понатаму не се придржуваат до принципите на професионално, објективно, точно, избалансирано и непристрасно известување, соопштија денеска од Советот за етика во медиумите.

Пристигнатите жалби до Советот за одредени медиуми, како и анализата на Институтот за комуникациски студии укажуваат дека дел од медиумите и од новинарите продолжуваат да се ставаат во служба на политички и на други центри на моќ, отфрлајќи ги новинарските правила.

– Изразивме надеж дека потписите на Повелбата нема да останат мртво слово на хартија, но за помалку од еден месец Советот за етика прими повеќе од 20 жалби против некои медиуми и национални телевизии – рече Мирче Адамчевски, претседател на Комисијата за жалби.

Во 11 случаи станува збор за неточно, нефер известување, нарушување на приватноста и за клевети, во шест случаи за нефер и неточно информирање.

– Очекувавме сите да водат грижа за принципите на новинарството, да прават дистинкција меѓу информации и коментари, да се почитува принципот на професионална солидарност и медиумите да не се расправаат меѓу себе – рече тој.

Во изминатиот период до Советот не се испратени жалби за говор на омраза, но тоа не значи и дека го нема.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...