Сообраќајот на државните патишта во земјава се одвива отежнато, во зимски услови, по влажни коловози, со остатоци од кашест снег, по интервенција на дежурните екипи од „Македонија пат“, но без забрани за тешки товарни возила, информира Автомото-сојузот на Македонија (АМСМ).

Патниот правец Скопје – Македонски Брод, преку природниот резерват Јасен и понатаму е непрооден.

Во клисурите и во засеците е можна појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќај на патните правци надвор од градските средини е умерен. На македонската страна од граничните премини нема подолги задржувања за влез и за излез од државата.

Од АМСМ препорачуваат исклучително внимателно возење, прилагодена брзина на движење и почитување на поставената сообраќајна сигнализација.