Денеска времето во Македонија ќе биде сончево и топло со мала до умерена облачност. Во попладневните часови и во текот на ноќта кон недела во западните делови ќе има појава на локален пороен дожд, проследен со грмежи и засилен ветер.
Утринската температура се движи од 13 до 22 Целзиусови степени, а максималната дневна ќе достигне од 27 до 38 степени. УВ-индексот ќе изнесува 8.
Во Скопје се очекува слично време, со максимална дневна температура до 36 Целзиусови степени.
Од денеска попладне до понеделник, според синоптичарите ќе има локален развој на нестабилна облачност, проследена со пороен дожд, грмежи и засилен ветер, особено во западните делови од земјата.