Во Собранието на Република Македонија денеска седници ќе одржат комисиите за економски прашања, за транспорт, врски и екологија и за одбрана и безбедност.
На дневен ред на Комисијата за економски прашања се предлог-законите за дополнување на законите за концесии и за јавно-приватно партнерство и за енергетика, во прво читање, а на Комисијата за транспорт ќе се расправа за предлогот за изменување и за дополнување на годишниот финансиски план на Агенцијата за цивилно воздухопловство за 2015 година.
Членовите на Комисијата за одбрана и за безбедност, пак, треба да расправаат за предлог-законот за изменување на Законот за служба во Армијата на Република Македонја, во прво читање, поднесен од пратници од опозиција, како и за предлог-законот за дополнување на Законот за одбрана – во прво читање.
