Собраниската комисија едногласно одобри да им се одземе имунитетот на пратениците

-

Комисијата за деловнички и мандатно-имунитетни прашања едногласно, со пет гласа „за“ и без воздржани или против, го одобри барањето на судот и донесе заклучок да му предложи на Собранието да им се одземе имунитетот на пратениците Сашо Василевски, Љубен Арнаудов, Крсто Мукоски, Јохан Тарчуловски, Љупчо Димовски и Жаклина Пешевска.

На комисиската расправа не присуствуваа членовите од редовите на ВМРО-ДПМНЕ, меѓу кои и Тарчуловски и Мукоски, кои, исто така, се дел од ова собраниско тело.

Расправата за одлучување по оваа точка траеше кратко и единствен што се пријави за збор беше пратеникот од владејачкото мнозинство, Александар Кирацовски, кој рече дека насилството во Собранието на 27 април било напад врз демократијата и претставувало обид да се загрози животот на пратениците.

– Институциите имаат обврска и должност да го расветлат случајот докрај, за правдата да излезе на виделина и за ова никогаш да не се повтори. Ситуацијата е многу чиста, фактите се јасни, аргументите се поголеми од сите нас. Законот мора да важи за сите, па дури и за пратениците. Владејачкото мнозинство ќе гласа за овој предлог – рече Кирацовски.

Комисијата има обврска во рок од два дена да го достави извештајот од седницата до претседателот на Собранието, Талат Џафери, кој, пак, треба да свика пленарна седница.

Како што дознава „Мета“ од собраниските служби, пленарната седница веројатно ќе се одржи утре.

МВР, по налог на Основното јавно обвинителство, завчера приведе 36 лица, поради насилствата во Собранието од 27 април годинава. Меѓу приведените се и пратениците Крсто Мукоски, Јохан Тарчуловски, Жаклина Пешевска, Љубен Арнаудов, Сашо Василевски и Љупчо Димовски, поранешниот директор на Бирото за јавна безбедност и поранешен министер за внатрешни работи, Митко Чавков, како и дел од организаторите на иницијативата „За заедничка Македонија“, Владо Јовановски, Борис Дамовски, Игор Дурловски и Богдан Илиевски. Сите се товарат за загрозување на уставниот поредок и на безбедноста. Судот на дел од приведените им одреди 30-дневен притвор, а на дел куќен притвор.

Утре посебен режим на сообраќај во Аеродром поради атлетска трка

Утре во периодот во 7 и 30 часот до 10 и 30 часот, ќе се одржи атлетска улична трка со стартно-целна позиција на булевар „Јане Сандански“, па поради тоа ќе има...

Калас: Важно е Македонија да остане на европскиот пат

Високата претставничка на ЕУ за надворешни работи и безбедносна политика и потпретседателка на Европската комисија Каја Калас, по посетата на Скопје, порача дека Македонија припаѓа во европското семејство и оти е...

Измамник „извлекол“ 17.300 евра од 83 годишна Скопјанка

Измамник кој се претставил како полициски службеник, успеал да одземе 17.300 евра од 83 годишна Скопјанка, информираат во Министерството за внатрешни работи (МВР). Жената вчера го пријавила случајот во полициската станица...

ИЈЗ: Немаат симптоми лицата со кои биле во контакт заразените со мајмунски симапници

Институтот за јавно здравје (ИЈЗ) денеска информира дека епидемиолози искомуницирале со контактите на позитивните лица со Mpox (мајмунски сипаници) и истите посочиле дека немаат никакви симптоми на ова заболување. „Позитивните лица се...

Утре посебен режим на сообраќај во Аеродром поради атлетска трка

Утре во периодот во 7 и 30 часот до 10 и 30 часот, ќе се одржи атлетска улична трка со стартно-целна позиција на булевар „Јане Сандански“, па поради тоа...