fbpx

Собранието ќе продолжи да работи по изборите, Џафери посака мирна и успешна кампања

-

Претседателот на Собранието, Талат Џафери, по паузата во 15 часот, ја прекина 15. седница на која се расправаше за Законот за употреба на јазиците, а со тоа ја прекина и работата на Собранието до одржувањето на локалните избори на 15 октомври.

Џафери рече дека го исполнува ветеното дека за време на изборната кампања, која почнува в понеделник, Собраниетo нема да работи за да спречи какво било влијание врз гласачите од собраниската говорница.

– По шестдневна плодна и успешна дебата, решив да одиме на одмор. Како што најавив, Собранието работеше до почетокот на изборната кампања за локалните избори – додаде Џафери.

Тој, посака мирна и успешна предизборна кампања на сите учесници во неа. Однапред им честиташе на тие што ќе ги добијат мандатите и посака успешна и плодна работа по изборите.

По шестдневна дебата, 15.седница за Законот за употреба на јазици ќе продолжи по локалните избори.

– Како резултат на дебатата, произлезе дека од интерес на граѓаните, да не кажам на дел од граѓаните, е и потребата за носење и на соодветниот закон кој е во редовна постапка, за кој се надевам ќе продолжиме исто така со успешна и плодна конструктивна дебата – рече Џафери.

Расправата по оваа точка на претходните продолженија на седницата се одвиваше во тензична атмосфера, бидејќи пратениците на опозициската ВМРО-ДПМНЕ сметаат дека законот е неуставен, дека е резулатат на политички договор на владејачката коалиција и дека нема аргументи за законот да е обележан со европско знаменце.

Од владејачкиот СДСМ, пак, велат дека предложениот закон за употреба на јазиците не е противуставен, туку е во согласност со членот 5 од Уставот на Република Македонија и ја унапредува употребата на сите јазици на немнозинските заедници и отвора шанса за изградба на едно општество за сите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...