fbpx

Собранието ќе одлучува за одземање на имунитетот на Груевски

-

Кривичниот суд бара од Собранието да му биде одземен пратеничкиот имунитет на пратеникот Никола Груевски кој избега од Македонија и доби азил во Унгарија. Во официјалното соопштение на Судот, пишува дека до Собранието доставиле пет судски предмети, во кои е обвинет екс-премиерот Никола Груевски.

Судот бара притвор за Груевски за изборни измами во случај „Титаник“, за нерегуларности при изградба на автопати – случај „Траекторија“, за уривање на „Космос“ – „ТНТ“, за незаконско финансирање на партијата – случај „Талир“, како и за случајот „Шамари во Општина Центар“.

Барањата денеска ќе бидат разгледани на Комисијата за деловнички и мандатно-имунитетни прашања, со која претседава Павле Богоевски.

За да му биде одземен пратеничкиот имунитет на Груевски, потребни се најмалку 61 глас.

Опозициската ВМРО-ДПМНЕ ваквите одлуки ги нарече смешни. Од таму велат дека пред да се зборува за одземање на имунитетот, некој треба да понесе одговорност за сѐ што се случува во земјата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...