Претседателот на Собранието, Талат Џафери денеска на 102. седница ја констатираше оставката од функцијата пратеник на поранешниот премиер Никола Груевски, кој избега од државата и доби политички азил во Унгарија.
На денешната седница беше констатирана и оставката на пратеникот Павле Богоевски, која тој ја најави на седницата на Комисијата за деловничко-мандатно и имунитетни прашања пред отворањето на точката на дневен ред за одземање на мандатот на Груевски.
На местото на Груевски и Богоевски, пратеници ќе бидат Ѓорѓи Камчев од ВМРО-ДПМНЕ и Александар Филиповски од СДСМ.
