fbpx

Со Закон за стратешки инвестиции ќе се забрзуваат големите проекти во енергетиката

-

Министерство за економија подготвува Закон за стратешки инвестиции во Република Северна Македонија, согласно обврските превземени со Договорот за основање на Енергетска заедница, како и обврските превземени со Договорот за стабилизација и асоцијација.

Во најавата за подготовка на законот објавена на Единствениот национален електронски регистар на прописи (ЕНЕР) се вели дека со новата регулатива треба да се уредат правилата за стратешки инвестициони проекти од областа на енергетиката.

Целта на законот е да се забрзаат постапките за подготовка и реализација на стратешките инвестициони проекти од областа на енергетиката и да се назначи Национален надлежен орган, да се дефинираат неговата улога и задачи, како и да се утврдат неговите надлежности и улога во однос со другите надлежни институции во земјата.

Од Министерството додаваат дека со Законот за стратешки инвестиции се очекува да се олесни имплементацијата на интерконективните проекти за електрична енергија и природен гас.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...