fbpx

Со скринингот во градинките досега опфатени 581 вработен, откриен еден заболен од Ковид-19

-

Министерството за здравство информира дека во изминатото деноноќие направени се 184 тестирања во рамките на скринингот во градинките и сите се негативни. Од нив, 112 се направени преку лабораторијата на Институтот за јавно здравје, а опфатени се 106 лица од Битола и 6 лица од Велес, со што практично започнува и тестирањето на вработените во градинките во Велес.

Преку лабораторијата на МАНУ тестирани се и 72 вработени во скопските градинки. Тестирањето на вработените во скопските градинки ќе продолжи и следните денови, а во Битола во изминативе три дена е завршен скринингот на сите 322 вработени во градинките.

Согласно денешниот извештај на ИЈЗ, со скринингот на вработените во градинките кој започна пред три дена, досега е направенo 581 тестирањe, а потврден е само еден позитивен случај на Ковид-19. Сите останати тестирани лица се негативни на вирусот. Единствениот позитивен случај на Ковид-19 кај вработените во градинките е регистриран во Битола, информираат од Министерството за здравство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...