fbpx

Со неколку исклучоци, Русија ги смета сите европски земји за непријателски [мапа]

-

По налог на рускиот претседател Владимир Путин, руската влада составила список од држави коишто наводно „презеле непријателски акции против Русија, руски компании и граѓани“, пренесува српската телевизија Н1. Од овој список што го објавија и руските државни медиуми изземени од листата на непријателски земји во Европа засега се само шест земји: Белорусија, Молдавија, Србија (за Русија, Косово е дел од територијата на Србија), Босна и Херцеговина и Турција.

На овој список се наоѓа Северна Македонија, заедно со САД, Канада, Велика Британија (вклучувајќи ги Џерси, Ангвила, Британски Девствени Острови, Гибралтар), сите земји-членки на ЕУ, Украина, Сан Марино, Црна Гора, Швајцарија, Албанија, Андора, Јужна Кореја, Австралија, Микронезија, Нов Зеланд, Сингапур и Тајван.

Инаку, земјите споменати на оваа листа од Русија воведоа санкции или се приклучија на санкциите против Русија откако започна руската инвазија на Украина.

Податоците на руската влада велат дека руските граѓани и компании, како и руските државни институции кои имаат кредити и други обврски од компании од земји од оваа листа ќе можат да ги плаќаат во рубљи. Притоа, должникот може да побара од руските банки да отворат посебна сметка во рубљи и преку неа да се извршат плаќања во рубљи според курсот на Централната банка на Русија на денот на исплатата, додава српскиот весник Политика.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Средба Џафери – Зеленски во Тирана: Потпишана заедничка изјава за евроатлантските интеграции на Украина

Претседателот на Владата Талат Џафери, во рамки на работната посета на Република Албанија, се сретна со претседателот на Украина, Володимир Зеленски. На средбата присуствувале и министерот за надворешни работи,...