Колку и спектакуларно да звучи и често да се појавува, насловот дека Зоран Заев ја дал ќерката за да се потпише Преспанскиот договор или, пак, во замена за грчки остров, не е точен пишува „КриТинк“.
Всушност, се работи за исечок од опуштено новогодишно интервју во домот на Заеви подготвено како разговор на новинарот Мишко Иванов од „ТВ24“ со Заев и неговата сопруга.
Одреден твитер-корисник го споделува овој исечок каде екс-пермиерот, кој е познат по своите обиди да внесе шега во неговите обраќања, споделува една анегдота од разговорите помеѓу него и поранешниот грчки премиер Алексис Ципрас пред потпишувањето на Преспанскиот договор.
Имено, се работи за комплимент кој Ципрас го дал за неговата ќерка, исто обидувајќи се да биде шеговит, на што Заев се надоврзал со предлог за преговори за склучување на брак помеѓу неговата ќерка и еден од синовите на Ципрас.
