Графичкиот уметник Небојша Гелевски – Бане, по повод 101 година од раѓањето на Блаже Конески, користејќи вештачка интелигенција, креирал повеќе од 245 портрети на доајенот.
Користејќи 24 фотографии од Блаже Конески, уметникот создал модел за Конески, а потоа „го препуштил“ на вештачката интелигенција (ВИ), која креирала портрети според зададените насоки или стилови.
По создавањето на моделот, тој задавал насоки на софтверот со ВИ преку имиња и фрази, а софтверот потоа самиот правел преработки и комбинации.
Од вкупно 245 генерирани дела, Гелевски за слободно користење – и за лични и за комерцијални цели, отстапува 20-тина.
Оригиналниот текст и сите достапни компјутерски генерирани портрети може да се видат на Окно.
