Со транспаренти на кои е напишано „Ништо не ти можат Никола“, „Македонија победува“, „Кршете – пак ќе изградиме“, неколку илјади приврзаници на Граѓанско движење за одбрана на Македонија (ГДОМ) пристигнаа пред Собранието на Република Македонија.

Патриотски песни, зурли и тапани е обележјето на почетокот на протестот, против, како што велат демонстрантите, политиката на Зоран Заев, кој, според нив, сака да реализира украинско сценарио во Македонија.

Насобраните граѓани бараат изборите да се одржат на 5 јуни и со нив да се излезе од наметнатата политичка криза.

На протестот, покрај истакнатите членови на ГДОМ, аналитичарот Александар Пандов, актерите Тони Михајловски, Петар Темелков, режисерот Бранислав Димитров, кајакарите Атанас Николовски и Лазе Попоски, историчарката Виолета Ачковска, има и видни членови на владејачката партија. Засега, извикувајќи „Македонија“ и „ВМРО-ДПМНЕ“, тие играат ора.

Се очекува членовите на ГДОМ да се обратат пред народот.

ПОВРЗАНИ НАПИСИПОВЕЌЕ ОД АВТОРОТ