Собранието со 71 глас „за“, девет „воздражни“ и без ниту еден „против“ го донесе Законот за изменување и дополнувањe на Законот за враќање на дел од данокот на додадена вредност на физичките лица, по скратена постапка.

На овој начин се овозможува да се реализира мерката „Викенд без ДДВ“, која е дел од четвртиот сет на економски мерки на Владата за справување со последиците предизвикани од ковид кризата.

Во рамките на овој викенд (од 10 до 12 октомври) на граѓаните ќе им се врати целиот ДДВ за производите што ќе ги купуваат. Според проценките на Владата, околу 350 илјади корисници на апликацијата „Мој ДДВ“ ќе можат да купуваат домашни производи и услуги, компјутери и друга ИКТ опрема во вредност од најмногу 30 илјади денари, а во рок од неколку дена на нивните трансакциски сметки ќе им биде исплатен назад целиот ДДВ.