Со бојадисување на фасадата на бараките на Град Скопје и со извици „Секој ден во шест“, заврши денешниот протест на граѓаните против аболицијата за функционери која ја донесе претседателот Ѓорге Иванов. Собирот помина мирно и без никакви инциденти.
Граѓаните и денеска, точно во 18 часот, ја блокираа улицата пред СЈО и го почнаа протестот, за подоцна преку Собранието и Владата да завршат пред објектот на Град Скопје.
И бараките на Град Скопје добија боја. Демонстрантите пет Градот убав пак ќе никне #Протестирам #ШаренатаРеволуција pic.twitter.com/Amy9tGbJUH
— META.mk (@meta_agency) April 20, 2016
Движејќи се по маршрутата постојано извикуваа: „Оставка, оставка“, „Нема правда, нема мир“, „Никола на робија“, „Мафијшка држава“, „Николче диктаторче“…
Демонстрантите извикуваат #НемаПравдаНемаМир и се движат кон седиштето на Град Скопје pic.twitter.com/z2xRNbhyPs
— META.mk (@meta_agency) April 20, 2016
Еден од демонстрантите во името на целата група што протестира рече дека преговори во овие услови се невозможни. Тој уште еднаш ги повтори барањата на граѓаните: повлекување на одлуката за аболиција од претседателот Иванов и негова итна и неотповиклива оставка, Уставниот суд да се произнесе за уставноста на Специјалното јавно обвинителство, да се формира специјално одделение во Кривичниот суд за случаите за кои е надлежно СЈО, да се повлече одлуката за избори на 5 јуни, да се вклучат независни претставници во процесот на решавање на политичката криза и преговорите да се одвиваат на територија на Република Македонија.
Демонстрантите минуваат низ порта "Македонија" #Протестирам #НемаПравдаНемаМир pic.twitter.com/nA8kaM9S3Q
— META.mk (@meta_agency) April 20, 2016
Тие бараат и преодна влада, која ќе ги имплементира забелешките од Рајнхард Прибе.