„Снепчет“ достигна 293 милиони корисници дневно, за 23 отсто повеќе од лани

Photo by Souvik Banerjee on Unsplash

Голем успех на апликацијата за пораки „Снепчет“. Бројот на дневни корисници на оваа апликација се искачил на 293 милиони, што е за 23 отсто повеќе од истиот период во 2020 година. Ова е своевиден рекорд на бројот на корисници на оваа апликација од нејзините почетоци, јавува Engadget.

„Снепчет“ годинава успеа да го претрка „Твитер“ според бројот на корисници секојдневно, а со ова приходите на компанијата пораснале за 116 отсто на импресивни 982 милиони долари.

Оваа апликација успех постигна и со „Спотлајт“ (Spotlight), новата алатка во својата апликација на која што се прикажуваат видеа креирани од корисниците. Конкуренцијата на „ТикТок“ има пораст на бројот на дневни корисници за 49 отсто, и иако беше лансирана кон крајот на минатата година, „Спотлајт“ веќе го има утростручено просекот на дневни содржини што го објавуваат корисниците.