Од 1 април идната година, јавните претпријатија да ги доставуваат сметките за вода за команиите само по електронски пат, предвидуваат измените на Законот за снабдување со вода за пиење.
Како што информира на отворената владина седница министерот за транспорт и врски, Миле Јанакиески, на тој начин компаниите ќе си заштедат време и пари. Граѓаните, пак, сами ќе избираат дали ќе сакаат по електронски пат, со што ќе се намали практиката да им се губат сметките.
– На овој начин, граѓаните ќе се осигураат дека сметките ќе ги добиваат навреме – вели Јанакиески.
Имено, на граѓните ќе им се понуди да пополнат формулар дали ќе сакаат по старо, односно по пошта да ги добиваат сметките или по електронски пат.