Врховниот суд на Република Македонија до Основен суд Скопје 1 ја доставил пресудата за осудените Т.К. и В.Б. кои се опфатени во предметот во јавноста познат како „Тенковски делови“, а во која стои дека нивните барања за вонредно преиспитување на правосилната одлука, поднесени преку нивните бранители, се уважува, соопштија од Основниот суд.
Во соопштението се наведува дека предметот се враќа на повторно судење пред првостепениот суд.
Во случајот „Тенковски делови“ меѓу обвинетите се и поранешниот министер за одбрана и поранешен премиер Владо Бучковски, како и поранешниот началник на Генералштабот на АРМ, Методи Стамболиски. Предметот кој беше отворен пред девет години, третпат се враќа во скопскиот кривичен суд.