Словенечката амбасада во Скопје денеска и утре организира средба на словенечки и на македонски компании кои најдобро котираат на берза или т.н. компании „блу чип“ (blue chip).
„Тоа е општа промоција на словенечката и на македонската економија, на која нивните највисоки претставници ќе разговараат за продлабочување на соработката, пронаоѓање начини за соработка, препознавајќи ги потенцијалите за зајакнување на истата, што ќе доведе до поголема трговска размена“, велат од словенечката амбасада.
Оттаму додаваат дека со овој иновативен настан сакаат да воспостават платформа за дискусии на стратешко ниво, кои ќе придонесат за нови перспективи за понатамошна соработка меѓу двете земји.