Премиерот Зоран Заев на 5 и на 6 декември ќе престојува во дводневна посета на Брисел, каде што ќе учествува на повеќе настани и ќе се сретне со високи претставници на европските институции, информираат од владината прес-служба.
Во рамки на посетата, Заев ќе присуствува на Европскиот молитвен појадок, на покана на европратеникот Алојз Петерле, а ќе учествува и на настани организирани од Центарот за европски политички студии и од Фондацијата „Фридрих Еберт“.
На вториот ден од посетата, Заев ќе се сретне со претседателот на Европскиот парламент, Антонио Тајани, со претседателот на Европската комисија, Жан-Клод Јункер, со високата претставничка за надворешна и за безбедносна политика на ЕУ, Федерика Могерини, и со еврокомесарот Јоханес Хан.
