fbpx

Скопските градоначалници со поддршка за полицајците што го одржуваат полицискиот час (галерија)

-

Скопскиот градоначалник Петре Шилегов, во придружба на градоначалниците на скопските општини и заменик-министерката за внатрешни работи Славјанка Петровска, денеска беа во посета на поголем број полициски пунктови низ општините, а го посетија и СВР Скопје.

При денешната обиколка, скопските градоначалници на сите службеници на МВР на пунктови, полициски станици и мобилни патроли им даваа освежителни пијалоци, во знак на поддршка што во овие вонредни околности со корона вирусот деноноќно се грижат за безбедноста на граѓаните во сите општини на Скопје.

Градските власти искажуваат благодарност и до граѓаните на сите скопски општини, кои покажуваат висок степен на одговорност за време на празничниот полициски час и ги почитуваат препораките за заштита на јавното здравје. Целодневната забрана за движење на населението за време на велигденските празници ќе трае до вторник 21 април, до 5 часот наутро.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...