fbpx

Скопскиот јавен превоз на 1, 6 и 7 јануари по неделен зимски возен ред

-

По повод претстојните новогодишни и божиќни празници, автобусите од скопскиот јавен превоз ќе сообраќаат по изменет возен ред од вообичаениот, а изменето работно време ќе има и Жичарницата на Водно, информираат од ЈСП – Скопје. Ноќните линии на 31 декември (вторник) кон 1 јануари (среда) ќе сообраќаат по возен ред како во сабота кон недела.

На 1 јануари (среда) автобусите од јавниот превоз ќе сообраќаат по неделен зимски возен ред. Од 2 јануари (четврток), поради зимскиот училиштен распуст, возниот ред на автобусите ќе биде редуциран до завршување на распустот на учениците. На 6 јануари (Бадник, понеделник) и 7 Јануари (Божиќ, вторник) автобусите ќе сообраќаат по неделен зимски возен ред.

Жичарницата на Водно нема да работи на 31 декември (вторник). На 1 јануари (среда), Жичарницата ќе работи од 11 до 17 часот, а отворена за посетители од 10 до 17 часот ќе биде на Бадник (6 Јануари, понеделник) и Божик (7 Јануари, вторник).

На 6 јануари (Бадник, понеделник) линијата 25 кон Средно Водно ќе сообраќа по делничен зимски возен ред, додека линиите 25А и 25Б нема да сообраќаат. На 7 јануари (Божиќ, вторник) сите три линии кон Средно Водно ќе возат по неделен зимски возен ред.

Од ЈСП – Скопје информираат дека на 1, 6 и 7 јануари дежурни ќе бидат билетарниците на Транспортен центар, Зелен пазар и во Ѓорче Петров.
На 1 јануари сите три билетарници ќе работат од 10 до 18 часот.

На Бадник (6 јануари, понеделник) и Божиќ (7 јануари, вторник) билетарницата во Ѓорче Петров ќе работи од 7 до 13 часот, а билетарниците на Зелен пазар и Транспортен центар од 7 до 19 часот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...