Јавното претпријатие „Градски паркинг“ од Скопје информира дека од утре (1 јуни) започнува летното работно време на јавните површини наменети за паркирање со кои стопанисува претпријатието.
Почнувајќи од утре, работното време во зоните А, Б, Ц и Д ќе биде од понеделник до сабота – од 7 до 23 часот, односно граѓаните за користење на услугите за паркирање ќе треба да плаќаат два часа подолго, наместо досегашното зимско работно време кое функционираше до 21 часот.
Од ЈП „Градски паркинг“ потенцираат дека корисниците на јавните паркиралишта треба да ги почитуваат промените, односно плаќањето за паркирање да се извршува во наведеното време, со цел да не дојде до непотребно санкционирање.
