Регионалниот центар за гранични работи Југ поднел кривичнапријава против Б.Д. (57) од Скопје, кој вчера на патниот правец Гевгелија – Скопје бил фатен како со комби превезува 12 илегални мигранти со потекло од Авганистан, информира МВР.
Според полицијата, скопјанецот се товари за нелегален транспорт на мигранти, а судија на претходна постапка му одредил мерка притвор од 30 дена.
Авганистанските државјани се сместени во Прифатниот центар за странци во Скопје, велат од полицијата.