Специјалното јавно обвинителство трага по началникот на Управата за безбедност и контраразузнавање, Горан Грујоски, а се подготвуваат и обвиненија за шест лица кои се сомничат за кривично дело неовластено прислушување и тонско снимање.
СЈО вчера побарало судски налог за претрес на домот на Грујоски, но судијата одбил ваквото барање. Исто така е одбиено и барањето за притвор на осомничениот.
Засега, како што дознаваме Грујоски не е достапен за СЈО, а полицијата трага по него.
Во меѓувреме, СЈО најави прес-конференција за денеска во 11 часот, која најверојатно ќе биде посветена за обвиненијата против шесте вработени во УБК, осомничени за прислушување.