fbpx

СJO побара продолжување на куќниот притвор на Талески

-

По вчерашниот распит на битолскиот градоначалник Владимир Талески, Специјалното јавно обвинителство доставило барање до Кривичниот суд да му се продолжи куќниот притвор, потврдија за „Мета“ од СЈО.

Притворот на Талески му истекува денеска, а му беше одреден како мерка на претпазливост на 16 јуни. Се очекува Кривичниот суд во текот на денот да се произнесе по барањето на СЈО.

Градоначалникот Талески вчера беше на распит во СЈО поради тоа што тој и уште 22 лица се товарат за злоупотреби со превозот на ученици во Битола, тешки 360.000 евра, во случајот „Транспортер“.

Од неговиот исказ зависеше дали СЈО ќе побара продолжување на куќниот притвор.

По завршувањето на распитот, Талески изјави дека станува збор за наметната постапка и дека врз основа на една снимка се правело политичка хајка против него.

Во врска со тендерите за училишниот превоз во Битола, Талески рече дека постапките биле транспарентни и оти тоа ќе го докажат.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...