Специјалното јавно обвинителство (СЈО) ќе поднесе жалба на одлуките на Советот за оценка на обвинителен акт на Основниот суд Скопје 1 да се издвојат „бомбите“ од случите „Тендери“, „Топлик“ и „Тортура“. Советот проценил дека телефонските разговори се доказ прибавен на незаконит начин и со кршење на правата и слободите утврдени со Уставот на Република Македонија.

– Одлуките стасаа вчера и секако ќе биде поднесена жалба во Апелациски суд Скопје – вели за „Мета“, Панта Џамбазовски, портпарол на СЈО.