fbpx

СЈО и Андонов денеска си играат закажи – презакажи со прес-конференции

-

Дополнителниот заменик-министер за надворешни работи, Оливер Андонов, и Специјалното јавно обвинителство денеска „се бркаат“ со термини за прес-конференции.

Пред два дена СЈО најави прес-конференција за денеска во 11 часот, на која треба да даде детали за две нови истраги во рамки на обвинителството.

По вчерашното влегување на СЈО во Управата за безбедност и контраразузнавање, дополнителниот заменик-министер Андонов на својот фејсбук-профил најави прес-конференција за синоќешните случувања денеска во 11 часот, во просториите на МВР.

oliver andonov fejsbuk najava za pres
Најавата на Андонов за прес-конференција во 11 часот.

Утринава од СЈО ја одложија нивната прес-конференција и ја закажаа во 12 часот.

Новинарски екипи што во МВР го чекаа Андонов во 11 часот, беа известени дека дополнителниот заменик-министер денеска оди на службен пат во Тетово и дека таму ќе дава изјава во 12 часот (во исто време кога е закажана прес-конференцијата на СЈО).

Дописникот на „Мета“ од Тетово доби потврда од СВР Тетово дека Андонов се очекува да пристигне денеска во 12 часот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...