Специјалното јавно обвинителство (СЈО) денеска до Основниот суд Скопје 1 поднело два обвинителни предлози, пишува во најновиот извештај на СЈО, кој обвинителите денеска ќе го презентираат пред новинарите и за кој постои голем интерес.
Истиот извештај СЈО денеска треба да го достави до Собранието и до Советот на јавни обвинители.
Во извештајот не се кажува кои се предметите за кои Обвинителството поднело обвинителни предлози.
Како што е наведено во вториот извештај на СЈО, донесени се наредби за спроведување истражни постапки во четири предмети против 40 лица.
Во извештајот ги има и следните податоци за 
работата на СЈО и за документите што ги подготвило:
- 901 барање согласно член 287 од Законот за кривична постапка;
- 36 наредби по член 284 од Законот за кривична постапка;
- 324 записници за сослушување лица, од кои 264 за сведоци и 60 за осомничени лица;
- 2 предлога за одземање предмети;
- 27 барања за известување институции и правни лица;
- 2 барања за заштита на законитоста;
- 6 замолници за меѓународна помош.
