Сите платфомски игри од Castlevania серијалот се бесплатни на Epic Games до четврток во 17 часот кога завршува промоцијата на Castlevania Anniversary Collection. Станува збор за колекција од навистина постари но забавни игри. Протагонистот е ловец на вампири и главното оружје му е најчесто камшик или боздоган, додека користи и мечови. Најчесто протагонистот е ликот Ричер, но има моменти во оваа франшиза каде играте и со Дракула.
Платформските игри се омилен жанр на многумина долгогодишни гејмери ширум светот. Содржат свој драж на 2D атмосфера, најчесто со голема тешкотија на самите игри -што важи особено за постарите игри.
Додека повеќето вакви игри може да се играат сосема бесплатно на постоечки емулатори кои се сè уште „во сива зона на легалност“. Во некои аспекти емулацијата е подобра, а во други аспекти полоша во однос на оригиналните игри. На Epic Games колекцијата плаформски Castlevania игри ја даваат бесплатно за да предизвикаат интерес и за купување на поновите верзии и нормално за добра забава со носталгичното потсетување и чуство за постарите генерации на гејмери. А и како новитет за младите и децата кои за првпат би се сретнале со овие содржини. Секако оваа годишнина е доста важна за реоживувањето на ваков тип на игри за новите генерации.
Castlevania е наслов којшто многу повеќе се разви од тотално пикселизирани платформери, што во Македонија и своевремено поретко можеше да се најде во локални флиперници. Серијалот прерасна и во сосема солидни 3D акциони игри со “hack and slash”. Најдобрата Castlevania игра е несомнено Castlevania: Lords of Shadow 2.
Оваа игра која е излезена во 2013 година, е толку игрива и добро сработена што се уште се носи рамо да рамо и со други поскорешни игри. Акцијата е одлично сработена а главниот лик во играта е Дракула, но во светло како што не е прикажан од Холивуд.
Наша препорака е да ја купите Castlevania 2: Lords of Shadow на Steam кога ќе биде на драстичен попуст -затоа што конкретно за оваа игра има попусти во текот на целата година.
Што се однесува за Castlevania Anniversary Collection (што е одобрена и за деца над 7 години) по четврток ѝ се враќа редовната цена од 20 евра.
