Дневниот центар „Доза среќа“ утре (17 септември) го организира интерактивниот настан со децата со Даунов синдром, „Сите на оро“.
Активностите ќе започнат во 11:45 часот со продажна изложба на изработките и традиционална храна за дегустација.
„Сите на оро е настан каде ќе бидат претставени народни носии и кукли-марионети во народни носии. Посетителите ќе можат да си ги испробаат вештините со водење кукла – марионета“, се вели во најавата.
Од „Доза среќа“ информираат дека групата за фолклор ќе изведе неколку песни и ора, тимот кој работи со д-р Драган Јованов ќе го понуди чајот за имунитет на дегустација на посетителите.
Настанот се реализира во поддршка на Министерството за култура.
