Одлука за поевтинување на сите горива донесе вчера попладне Регулаторната комисија за енергетика и водни услуги на Република Северна Македонија (РКЕВУ), при што најголемо намалување на цената има кај дизелот и екстра-лесното масло за домаќинства.
Врз основа на поевтинување на нафтените деривати на берзите и пораст на курсот на американскиот долар пред денарот, малопродажните цени на бензините ЕУРОСУПЕР БС-95 и ЕУРОСУПЕР БС-98, од полноќ се продаваат за 5 денари/литар помалку отколку вчера.
ЕУРОДИЗЕЛ (Д-Е V) поевтинува за 6 денари/литар, а Екстра-лесното масло за домаќинство (ЕЛ-1) за 5,5 денари/литар.
Малопродажната цена на Мазутот М-1 НС се намалува за 2,55 денари/килограм.
Новите цени на горивата од полноќ се:
- Моторен бензин – ЕУРОСУПЕР БС – 95 – 81,5 денари/литар
- Моторен бензин – ЕУРОСУПЕР БС – 98 – 83,5 денари/литар
- Дизел гориво – ЕУРОДИЗЕЛ БС (Д-Е V) – 79 денари/литар
- Масло за горење – Екстра лесно 1 (ЕЛ-1) – 75,5 денари/литар
- Мазут М-1 НС – 56,749 денари/килограм