Организациите на сириските бунтовници утринава повеле офанзива од големи размери за да ја пробијат блокадата на сириската влада на источниот дел на Алепо, град на северот на Сирија, кој сега претставува клучна точка на шестгодишните судири.
Коалицијата Исламски фронт на социјалната мрежа „Твитер“ наведе дека ултраконзервативната бунтовничка група Ахрар ел сам со ракета го гаѓала воениот аеродром на истокот на градот.
Опозиционата сириска Опсерваторија за човекови права со седиште во Велика Британија соопшти дека бунтовниците детонирале два автомобили-бомби на позиции на сириската влада во југозападниот дел на Алепо и испукале повеќе од 150 ракети.
Претставник на бунтовниците рече дека „сите револуционерни фракции, без исклучок, учествуваат во борбите“.
