fbpx

Сириската војска тврди дека контролира повеќе од половина од источниот дел на Алепо

-

Сириската војска ја презела контролата на повеќе од 50 осто од источното подрачје на Алепо, кое го држеа бунтовничките сили, изјавил денеска потрпаролот на сириската војска, генералот Самир Сулејман.

Сулејман за „Би-би-си“ вели оти се надева дека за неколку недели целиот град ќе биде во рацете на државните сили.

Сириската војска во изминатите три недели од бунтовниците презеде големи подрачја од источниот дел на Алепо, кој е втор по големина град во Сирија.

Според претходните извештаи, силите лојални на сирискиот претседател Башар ал Асад освоиле две третини од територијата која беше под контрола на бунтовниците. Во деловите од Алепо кои се под опсада, има околу 250.000 луѓе, а досега се раселени неколку десетини илјади.

Обединетите нации, како што пренесува „Би-би-си“, неделава соопштиле дека ситуацијата во источниот дел на Алепо е толку влошена што хируршките интервенции се изведуваат без анестезија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...