Најмалку 20 џихадисти, припадници на Исламска држава (ИД), како и двајца припадници на сириската армија, загинаа во вториот по ред неуспешен напад во последниот месец на една воздушна база на истокот на Сирија, соопшти Сириската организација за човекови права (СОЧП).
Деветнаесетте загинати припадници на ИД се Сиријци, а еден е Мароканец.
Џихадистите при повлекувањето со себе однеле и неколку противавионски ракети, соопшти директорот на СОЧП, Рами Абдел Рахман.
Воздухопловната база Деир Езор е еден од последните пунктови на сириската армија на истокот на земјата. Базата се наоѓа на границата со Ирак каде ИД контролира голем дел од територијата. Групата ИД се појави во екот на сирискиот конфликт, пролетта 2013 година, а летоска во голем налет освои делови од Сирија и од Ирак, прогласувајќи „калифат“.
https://www.youtube.com/watch?v=9YnXzX6flC4