Триесет и осумгодишен мигрант од Сирија бил повреден во тепачка меѓу две групи илегални мигранти што синоќа околу 23.30 часот се случила на железничката станица во Гевгелија, информираат од полицијата.
Во тепачката мигрантите употребиле разни предмети.
По инцидентот сирискиот државјанин бил пренесен во медицинскиот центар во Гевгелија, каде лекарите констатирале повреда на грбот од остар предмет.
Од полицијата велат дека преземаат мерки за расчистување на случајот.
